Kreu i Partisë së Lirisë, Ilir Meta, duke marrë shkas edhe nga sulmi kibernetik mbi sistemet digjitale në Shqipëri, shkruan se vetëm protestat qytetare do të mund të rivendosin rendin Kushtetues dhe ligjshmërinë, për t’u ndarë me dekadën e hajdutërisë së kryeministrit Edi Rama.
Ish-presidenti shprehet se shkelësit e ligjit duhet të vihen para përgjegjësisë.
Postimi i Ilir Metës:
Në një shtet të kapur tërësisht nga mafia kush do t’i vendosë përpara përgjegjësisë shkelësit e ligjit, të sigurisë kombëtare dhe të transferimit të të dhënave të qytetarëve te patronazhistët për qëllime shantazhi dhe presioni?
Vetëm protestat qytetare do të rivendosin rendin kushtetues dhe ligjshmërinë për t’u ndarë me dekadën e hajdutërisë dhe keqqeverisjes të Edvin K. Ramës.