Presidenti Ilir Meta ka përshëndetur deklaratë e Angela Merkel që të çelen negociatat e anëtarësimit në muajin mars gjatë konferencës së saj me kryeministrin shqiptar Edi Rama në Berlin.
Ai ka zgjedhur të shoqërojë mesazhin e tij me një foto zyrtare Merkel-Rama, ku thekson se zbatimi i kushteve të Bundestagut janë harta e sigurtë e rrugës evropiane të Shqipërisë.
“Përshëndes angazhimin e përsëritur të Kancelares Angela Merkel për çeljen e negociatave të anëtarësimit ndërmjet Shqipërisë dhe Bashkimit Europian. Zbatimi i 9 kushteve të Bundestagut me rezultate të prekshme dhe të qëndrueshme, janë harta më e sigurt e rrugës europiane të Shqipërisë!”, shkruan Meta.