Kryetari i Partisë së Lirisë, Ilir Meta prezantoi sot kandidatin e opozitës për bashkinë e Kuçovës, Lefter Maliqi, në zgjedhjet e ardhshme vendore.
Në fjalën e tij, Meta u ndal dhe te shembja e pallateve në Tiranë, ku tha se qeveria e kryeministrit Rama po nxjerr nga shtëpitë qytetarët me qëllim që të ndërtojë aty kulla për oligarkët.
“Nuk mund të jetë prioriteti të bëjmë kulla dhe vetëm rriten çmimet e apartamenteve se pastrojnë paratë. Shkatërron portin kombëtar për të bërë banesa. Kanë bërë vetë shqiptarët hotele dhe banese është mjaft e qartë që kjo është vjedhje. Edhe ata janë të qartë dhe bëjnë akte të marri me shpresën se do trembin njerëzit, pasi e kanë humbur besimin e tyre. Premtoi legalizim përpara urbanizmit, tha që edhe Enver Hoxha të ngjallet nuk ua merr do të banesat. Tani si fashist i nxjerrin njerëzit nga shtëpitë që të ndërtojnë kullat e oligarkëve”, u shpreh Meta.