Rikthimi i Ilir Metës në jetën politike larg kostumit të Presidentit, në këto 4 ditë është me ritme të shpejta. Këtë të enjte kreu i Partisë së Lirisë po zhvillon një takim me të rinjtë. Për të Shqipëria është në drejtimin e gabuar dhe nuk është retorikë dashakeqe, por është një e vërtetë shqetësuese dhe ulëritëse që e tregojnë të gjitha faktet.
“Shqipëria është në një drejtim shumë të gabuar, por nuk do të jetë më kështu. Ndaj e keni sot dhe Partinë e Lirisë si parti të shpresës, të rinisë, kundër shpopullimit, dramës jo vetëm më të madhe që po përjeton çdo familje shqiptare dhe vendi, por dhe armikut më të madh të së ardhmes, e interesave kombëtare, që Shqipëria është në drejtimin e gabuar nuk është retorikë dashakeqe, është një e vërtetë thellësisht shqetësuese dhe ulëritëse që e tregojnë të gjitha faktet. Prej vitesh tek ne migrimi ndodh në mënyrë të programuar të qëllimtë”.