Presidenti Ilir Meta, në një postim në mediat sociale ka kërkuar sërish sot liberalizimin e vizave për qyetarët e Kosovës. Meta shkruan se liberalizimi i vizave për qytetarët e Kosovës është një domosdoshmëri që duhet të ndodhë sa më parë.
Më tej Kreu i Shtetit ka komentuar dhe reagimin e disa eurodeputetëve të cilët kanë kërkuar që vizat të liberalizohen sa më shpejt me Kosovës dhe shton se erspektiva evropiane e këtij vendi po rritet dhe forcohet çdo ditë.
“Liberalizimi i vizave për qytetarët e Kosovës, është mëse i merituar, dhe një domosdoshmëri që duhet të ndodhë sa më parë. E përshëndes gjestin politik të 42 anëtarëve të Parlamentit Europian, në mbështetje të perspektivës europiane të Kosovës, që rritet dhe forcohet çdo ditë si faktor paqeje dhe stabiliteti në rajon!”, është ky reagimi i Metës.