Kreu i Partisë së Lirisë Ilir Meta deklaroi sot se qëllimi kryesor i kësaj force është të arrijë rezultat të jashtëzakonshëm në zgjedhjet vendore.
Ai tha se deri në fund të muajit përmbyllet dhe procesi për konstituimin e forumeve të Partisë së Lirisë.
“Kemi këtë proces dhe njëkohësisht në fund të këtij muaji përmbyllim dhe konventën e Partisë së Lirisë që të konstituohen dhe forumet e zgjedhura dhe gjithë funksionet e tjera drejtuese në PL. Kemi nisur dhe procesin e përgatitjes për zgjedhjet vendore, ku ne prioritet të jashtëzakonshëm i japim rikthimit të opozitës në këshillat lokale, në parlamentet vendore ku sot nuk ekziston fare dhe kemi një qëllim që Partia e Lirisë të shënojë një rezultat të jashtëzakonshëm në këto zgjedhje, sidomos në këto këshilla, ashtu si do kontribuojmë për një fitore të opozitës në shkallë kombëtare sa i takon kryetarëve të bashkive”, deklaroi Meta.