Presidenti Ilir Meta në një dalje për mediat e quajti paraprak rezultatin e votimit të 25 prillit duke u shprehur se nuk ka nisur ende procesi i ankimimit.
“Mos u shfokusoni nga procesi i zgjedhjeve, mos u çorientoni me lajem të tjera. Zgjedhjet nuk kanë përfunduar, dita e votimeve po, administrimi vazhdon, rezultati vazhdon dhe i ka të gjitha mundësitë të jetë një rezultat vetëm paraprak për arsye sepse procesi i numërimit nuk ka përfunduar ende ndoshta, por ajo që është më e rëndësishme procesi i ankimimit nuk ka nisur akoma sepse kjo gjë nuk mund të ndodhë pa u shpallur rezultatet nga KQZ. Prandaj, në radhë të parë dua të falenderoj qytetarët e Shqipërisë që pavarësisht nga çfarë ndodhi pjesëmarrja reale është 74% e qytetarëve që janë rezident e kanë të drejt për të votuar”, tha ai.
Meta i bën thirrje partive politike që të angazhohen për mbarëvajtjen e procesit zgjedhor dhe ti lënë mënjanë analizat politike pasi procesi nuk ka përfunduar.
“I bëj thirrje forace politike të mos cënojnë më tej integritetin e këtij procesi dhe për të numëruar e rinumëruar çdo votë që është hedhur nga qytetarët në kutitë e votimit Po kështu çdo krim zgjedhor e rëndon shumë pozitën e atyre që do të përfshiheshin në krime të tilla nga ato që mund të kenë ndodhur deri tani. U bëjmë thirrje të gjithë forcave politike të mos merren me analzia politike të zgjedhjeve sepse ato nuk kanë përfunduar po ti shërbejnë mbarëvajtjes së procesit”, tha ai.