Zbokthi shkaktohet nga një mikroorganizëm parazitar, një kërpudhë e lëkurës e quajtur Malassezia globosa.
Kur kjo kërpudhë ndodhet në sasi të mëdha ose kur njeriu është tepër i ndjeshëm ndaj saj, lëkura kundërvepron duke krijuar zbokth në skalpin e kokës.
Si zgjidhje, përveç shampos anti-zbokth, ju mund të përgatisni në shtëpi disa receta shumë të thjeshta.
Uthulla e mollës: Pasi t’i keni larë flokët, masazhoni butësisht skalpin me uthull molle dhe më pas shpëlajeni me ujë të ngrohtë. Bëjeni këtë veprim 3 herë në javë.
Ju mund të përgatisni po ashtu një përzierje me dy lugë gjelle lëng limoni të freskët me dy lugë uthull molle. Aplikojeni këtë masë në skalp dhe mbajeni në kokë për disa minuta.
Kosi është jo vetëm ushqim i bukurisë së përjetshme, por ndihmon shumë edhe në eliminimin e zbokthit. Përzieni në një enë 200 ml kos me 50 ml lëng limoni dhe masazhoni kokën për 15 minuta. Më pas lani kokën, por pa përdorur shampo. Ky trajtim jo vetëm që largon zbokthin, por edhe i jep shkëlqim flokut tuaj.
Soda e bukës ka veti të mrekullueshme mbi flokët me zbokth. Krijoni një pastë duke përzier një pastë me 50 gr sodë buke dhe 50 ml ujë të ftohtë. Aplikojeni mbi flokë të lagur dhe lëreni të veprojë për 30 -60 minuta.