Beyonce publikoi disa ditë më parë dokumentarin e saj me titull ‘Homecoming’ në platformën ‘Netflix’. Ky dokumentar pati shumë reagime dhe u komentua nga fansat e saj, megjithatë mesazhin më të bukur e dha ish-zonja e parë e Amerikës, Michelle Obama. Miqësia e saj me Beyonce është e ‘vjetër’ dhe duket se kanë një lidhje të veçantë me njëra-tjetrën, pasi shpeshherë bëjnë dedikime emocionuese. Michelle ka publikuar një video në ‘Instagram-in’ e saj ku i thotë se është krenare për arritjet e këngëtares.
“Hey mbretëreshë. E bëre sërish. Do të thoja që jam e surprizuar, por unë të njoh se kush je, e kam parë nga afër. Ti më bën krenare dhe unë të dua. Dua faktin që po përdor këtë film për të inspiruar gjeneratën tjetër të atyre që bëjnë histori dhe thyejnë rekorde, që së shpejti do të sundojnë botën. Prandaj mikja ime të them, vazhdo thuaj të vërtetën, sepse ti e bën më mirë se kushdo”, është shprehur Michelle. Dhe njëherë, Beyonce i tregoi botës se ajo di të jetë e suksesshme në çdo gjë që bën.