Një trafikante droge në Britaninë e Madhe është dënuar me 7.5 vite burg.
29-vjeçarja Danielle Stafford u arrestua në maj të 2020 nga policia, pas kontrollit në banesën e saj në Hallgate, Cottingham, ku policia gjeti 30 mijë paund, veshje luksoze dhe drogë.
Stafford shpërndante lëndë narkotike të llojit heroinë, kokainë dhe kanabis në zona të ndryshme. E reja që punonte si inxhiniere në Cottingham, përpiqej të pretendonte se ishte viktimë e një grupi trafikantësh, por më pas u kap nga policia teksa qarkullonte me lëndë narkotike në Hull. Trafikantja u përpoq të justifikohej duke thënë se sendet e saj luksoze nuk ishin origjinalë por imitime dhe se familjarët e saj kishin paguar për pushimet jashtë shtetit.