Nga java e ardhshme, do të bëhet e detyrueshme që të gjithë pronarët e maceve në Angli të kenë mikroçip për miqtë e tyre katërputroshë. Ata që nuk e respektojnë këtë ligj të ri, do të kenë një afat 21 ditor për të pajisur me mikroçip macet e tyre.
Por nëse kjo nuk ndodh, ata mund të përballen me një gjobë të majme deri në 500 Paund. Ky legjislacion i ri është pritur gjatë nga aktivistët e mirëqenies së kafshëve, të cilët besojnë se do të ndihmojë për një siguri më të madhe për miqtë me gëzofë në të gjithë Mbretërinë e Bashkuar. “The Mirror” raporton se ligji do të hyjë në fuqi nga 10 Qershori.