Miku i autorit zbardh detaje nga vrasja e 19-vjeçarit: I pëlqente e dashura e tij, u takuan për sqarim

19-vjeçari Stiven Toshkezi, u godit për vdekje me thikë pas shpine. Ngjarja ndodhi afër gjimnazit Partizani në Tiranë, ndërkohë për krimin në pranga ka rënë një prej autorëve, Enzi Maze. 18-vjeçari Axel Hoxhaj ndodhet ende në arrati. Maze në polici ka thënë se shoku i tij ishte rrahur nga viktima. 18-vjeçari ka thënë para grupit hetimor se shkak i sherrit mes dy të rinjve ishte bërë një vajzë që i pëlqente Axelit, e cila mësohet se ishte e dashura e 19-vjeçarit. Duke u ndalur te nata kur ndodhi krimi, Maze pohoi se shoku i tij i kishte thënë se do të takonte Toshkesin për t’u sqaruar dhe jo për ta plagosur me thikë.