Pas një sezoni të përfunduar në vendin e pestë, teksa mbetën sërish pa u kualifikuar në Champions League, Milani nisi një revolucion. Në këtë formë, faturën për dështimin e skuadrës këtë sezon e paguan drejtori sportiv Leonardo dhe trajneri Xhenaro Gatuzo, të cilët u larguan nga klubi.
Ndërkohë, në erën e re të cilën po nisin kuqezinjtë, drejtuesit e Milanit menduan t’i ofronin një post më aktiv, ish-kapitenit të kuqezinjve, Paolo Maldinit. Legjenda e ka pranuar postin dhe tashmë do të jetë në rolin e drejtorit teknik. Në këtë formë, Maldini do të nisë menjëherë nga puna dhe misioni i parë do të jetë emërimi i trajnerit të ri.
Trajneri in preferuar i Maldinit është Xhampaolo i Sampdorias. Tekniku italian mendohet si i duhuri për të nisur projektin e ri të klubit dhe për të marrë maksimumin nga lojtarët e rinj, ndërsa ky do të ishte edhe hapi i parë i madh për trajnerin Xhampaolo.