Nëse lufta në Ukrainë nuk ndalet, bota do të përballet me një krizë ushqimore .Parashikimi i zymtë vjen nga miliarderi rus Andrei Melnichenko.
“Lufta tashmë ka çuar në rritjen e çmimeve të plehrave kimikë të cilat nuk janë më të përballueshme për fermerët”- thotë ai.
Andrei nënvizon se se zinxhirët e furnizimit të cilët u goditën rëndë nga pandemia e Covid-19 tani po përballen edhe me pasojat e luftës. Sipas tij në vendet e varfra do të kenë mungesë të ushqimeve .
Në fillim të këtij muaji, ministria ruse e tregtisë dhe industrisë u tha prodhuesve të plehrave kimikë të ndalojnë përkohësisht eksportet. Rusia është një prodhues i madh i plehrave kimikë si potas, fosfat dhe azot – lëndë ushqyese kryesore të bimëve dhe tokës. EuroChem, është një nga pesë kompanitë kryesore të plehrave kimikë në botë e cila është themeluar nga miliarderi rus .Ai është një nga disa prej biznesmenët më të pasur të në Rusi të cilët kanë bërë thirrje për paqe që nga nisja e sulmit të Ukrainës më 24 shkurt.
Vetë presidenti rus Vladimir Putin paralajmëroi të enjten e kaluar se çmimet e ushqimeve do të rriteshin në të gjithë botën.