Aurela Gaçe është një ndër këngëtaret më të pëlqyera dhe më të suksesshme. Por ashtu si disa kolegë të saj, Aurela mendon se shumë këngëtarë të estradës shqiptare blejnë klikimet apo ndjekësit në rrjetet sociale. Së fundmi ajo i ka ironizuar kolegët me një postim në Instastory ku merr si shembull këngëtarin me famë botërore Michael Buble. ‘Michael Buble, tur botëror. Mbush arena të tilla…por? Pra siç po thoshim ka vetëm 2.1 milionë ndjekës. Sikur të menaxhohej nga ndonjë shqipe, kushedi sa ndjekës do kishte. Hë? Tur botëror, arenat plot. S’më del llogaria”, ka shkruar Aurela duke thumbuar kolegët e saj.
