Graham Stephan është në rrugën e duhur për të fituar më shumë se 6 milion dollarë këtë vit, dhe më në fund po i lejon vetes të hapë portofolin e tij.
Për vite me radhë, YouTuberi 31-vjeçar uli kostot kudo që të mundte, duke shmangur gjithçka, nga rrobat e stilistëve deri tek kafenetë. “Askush nuk është më kursimtar se unë,” tha ai në një intervistë për CNBC Make It në 2019.
Tani, megjithatë, filozofia e tij ka ndryshuar paksa, sepse, edhe pse mbetet koprrac dhe refuzon të blejë kafe nga jashtë, tani ai shpenzon shumë më tepër para se më parë.
Në të kaluarën, Stephan filmonte ekskluzivisht videot e tij në YouTube herët në mëngjes ose në mbrëmje vonë, sepse nuk donte të blinte një kondicioner për zyrën e tij. Por tani, ai mban disa kondicionerë që punojnë në shtëpinë e tij të re në Las Vegas gjatë gjithë kohës.
“Më kujtohet në vitin 2019 që inxhinieri më dha një çmim për instalimin kondicionerit. Unë mendoja, thashë me vete mund të xhiroja në mëngjes dhe natën vonë. Ishte aq budallallëk për mua dhe do të doja të kisha paguar vetëm 3,000 dollarë,” tha Stephan për CNBC.
Ai shpjegon se ky është një ndryshim që ndoshta ka ndodhur në vitin 2020, kur ishte duke punuar shumë dhe duke marrë shumë gjëra. Në vend që të bënte gjithçka vetë, ai vendosi të punësojë një teknik, i cili shkon në shtëpinë e tij një herë në muaj për të mirëmbajtur pishinën e tij, ndërsa ndan shpenzimet me të dashurën për pastrimin e stafit. Ai thotë se shpenzimet ia vlejnë dhe tani ai ka më shumë kohë për t’u çlodhur ose për t’iu përkushtuar punës së tij.
Gjithashtu, ai porosit më shpesh nga jashtë, veçanërisht në ditët kur është shumë i lodhur nga puna. Po ashtu ai shkon edhe në kazino në Las Vegas, ku tani jeton. Në përgjithësi, ai kurrë nuk e tejkalon kufirin 100 ose 200 dollarë mesatarisht çdo ditë.