Mbështetës të ish-kryeministrit Sali Berisha janë mbledhur pasditen e së hënës përpara selisë blu.
Që aty ata do të marshojnë drejt Kryeministrisë, në protestën e paralajmëruar kundër vizitës së Presidentit serb Aleksander Vuçiç në Tiranë, por edhe aferës së inceneratorëve.
Ndërkohë, mbështetësit e Sali Berishës kanë lënë një pankartë në hyrjen e selisë blu, me mesazh ndaj SHBA-së: “Mbahu Vietnam, kujdes spiunët”, duke ironizuar në këtë mënyrë parullat në kohën që Shqipëria ishte nën diktaturë, e rreshtuar me Lindjen kundër amerikanëve, që ishin në luftë në Vietnam.