Detaje të reja në lidhje me ngjarjen në Kavajë, ku makinës së një punonjësi të policisë iu vendos tritol. Ngjarja ndodhi dy ditë më parë në garazhin e një pallati. Sipas grupit hetimor ka dy pista ku po hetohet, e para për shkak te detyrës, dhe konfliktet që mund te ketë pasur efektivi i qarkullimit rrugor Lulzim Muça.
Në dëshminë e tij Muça ka deklaruar se nuk ka konflikte dhe dyshon se ngjarja mund të ketë ndodhur për shkak të detyrës. Lënda plasëse, e cila dyshohet se ka qenë rreth 80 gr ishte montuar në pjesën e poshtme të makinës dhe shpërthimi dyshohet se u bë me telekomandë.
Po ashtu mësohet se garazhi ku ishte parkuar automjeti i efektivit nuk kishte kamera sigurie, policia ende nuk ka autorë te dyshuar për ngjarjen.