Përfaqësuesi i BE për Çështjet e Jashtme dhe Politikën e Sigurisë, Joseph Borrell ka thirrur një takim urgjent me ministrat e mbrojtjes të të gjitha vendeve anëtare të Bashkimit Europian. Mësohet se në fokusin e takimit do të jetë çështja e luftës në Ukrainë.
Borrell tha në një postim në rrjetet sociale se bisedimet me ministrat do të përqendrohen në “nevojën urgjente” dhe koordinimin e ndihmës së bllokut për ukrainasit.
Ndërkohë më herët, Presidenti i Ukrainës, Volodomyr Zelenksy, bëri thirrje për një anëtarësimin të menjëhershëm të Ukrainës në BE. Por Presidenti i Këshillit Evropian, Charles Michel, u përgjigj duke thënë se “ka mendime dhe ndjeshmëri të ndryshme brenda BE-së për zgjerimin”.