Në nisje të seancës së sotme parlamentare, Enkelejd Alibeaj akuzoi kryetaren e Kuvendit, Lindita Nikolla, se po i ndërpret deputetëve të drejtën për të folur për ndryshimet në qeveri të bëra nga kryeministri Edi Rama.
Në fjalën e tij, Alibeaj tha se ministrat nuk janë lojtarë basketbolli që mund të hiqen dhe vendosen sipas dëshirës së shefit të qeverisë, ndërsa shtoi se nuk do të pranojë kurrë që Kuvendi të privatizohet.
“Ministrat nuk janë ekip basketbolli, hiq një mbrojtës vendos një sulmues, janë njerëz që marrin topin që është fati i shqiptarëve. Sot ju s’keni asnjë të drejte për ti bërë shqiptarët të kuptojnë se kush po i qeverisë. Zonjë është e udhës që sot, tani në këtë seancë ju tu ktheni parlamentin deputetëve edhe shqiptarëve. Të dëgjojmë, të diskutojmë dhe të shqyrtojmë aktet e para të presidentit të republikës. Më thirrët dje në pikë të mëngjesit e pataksuar nga dosja e Autoritetit të Dosjeve. Autoriteti nuk e ka të drejtën të paraqesë kërkesë për ndryshim ligjor, por duhet që çdo procedurë ligjore të diskutohet. Por sot që ky Parlament duhet të diskutojë kontrollin e ndryshimeve në qeveri kok është e papranueshme. Ju keni detyrimin që sot në këtë parlament të drejtën e fjalëve t’ia jepni deputetëve. Se shqiptarët janë ulur sot para Parlamentit t që të shohin e dëgjojnë pse ka ikur njëri dhe ka ikur tjetrit”, tha Alibeaj.