“Vetting-u në Polici nuk ka as pezullim as rifillim dhe as lidhje me zgjedhjet sepse është një proces që vazhdon në zbatim të ligjit”, tha ministri i Brendshëm, Bledi Çuçi.
I pyetur nga mediet, pas përfundimit të mbledhjes së qeverisë, se pse Vetingu nisi pikërisht tani kur janë zgjedhjet, Çuçi theksoi se Vetting-u në Polici është pezulluar kohë më parë me ligj dhe se ata morëm kohën e duhur për ta ndryshuar ligjin.
“Ne miratuam ndryshimet e reja në këtë ligj dhe ka filluar, sot që flasim, vetingu vetëm për pjesën drejtues të Policisë së Shtetit, duke hequr nga vetimi trupën e madhe të Policisë së Shtetit. Janë vetëm 300 funksione të kupolës së Policisë së Shtetit që do vetohen. Gjithashtu ne bëmë publike edhe shortin që u prezantua trupa e parë që do të vetohet”, theksoi Çuçi.