Ministri i Shtetit të Greqisë, Stavros Papastavrou, pas takimit në burgun e Durrësit me Fredi Belerin, dha një prononcim për mediat. Ai u shpreh se Bashkia e Himarës është e vetmja bashki në Europë që nuk ka kryetar dhe për këtë arsye kërkon që hallkat gjyqësore shqiptare të shprehin dhe të japin drejtësi.
“Kërkojmë që hallkat gjyqësore shqiptare të shprehin dhe të japin drejtësi. Nesër shpresojmë që më në fund drejtësia shqiptare të japë drejtësi për Fredi Belerin”, deklaroi ai.
Ndërkohë, Beleri po vijon betejën e tij me drejtësinë shqiptare, i cili që prej muajit shtator kërkon të lirohet nga qelia dhe të betohet si kryetar i Himarës përpara këshillit bashkiak.