Ministri për Europën dhe Punët e Jashtme Igli Hasani, ka vijuar këtë të mërkurë turin rajonal në Maqedoninë e Veriut. Në një konferencë të përbashkët me homologun Bujar Osmani, ministri Igli Hasani vlerëzoi takimin si konstruktiv.
“Bisedë e shkëlqyer dhe konstruktive. Kryesimi i OSBE në vitin 2023 nga RMV ishte padyshim një detyrë sfiduese. Performanca në OSBE dhe Kosovë, tregues i pjekurisë që ka arritur politika e jashtme e vendeve tona. Shqipëria dhe RMV, përkushtim të jashtëzakonshëm në rrugën drejt BE. Kemi arritur rezultate mbresëlënëse në reformat modernizuese e europianizuese.
Përfunduam me sukses procesin e screening, në pritje të hapit të radhës Korridori i 8, i cili nuk është më vetëm një projekt në letër, por pjesë e korridoreve Europiane. Është projekt strategjik i parashikuar si mekanizëm bashkëpunimi. Faktori shqiptar në RMV, ka luajtur rol të qenësishëm në ruajtjen e stabilitetit të vendit. Një kryeministër shqiptar, tregues simboli i progresit, për të cilin duhet të shpreh admirimin për qytetarët”, tha ai.