Ministri i Arsimit dhe Shkencës në Maqedoninë e Veriut, Arbër Ademi, është infektuar me koronavirusin.
Lajmin e ka bërë të ditur vetë ai me anë të një postimi në rrjetet sociale duke thënë se iu nënshtruar testimit duke qenë se shfaqi disa simptoma të lehta. Po ashtu ai u ka bërë thirrje të gjithë qytetarëve që të respektojnë rregullat e ekspertëve për parandalimin e Covid-19.
“Të dashur miq, familjarë dhe bashkëpuntorë. Ju njoftoj se pas disa simptomave të lehta mbrëmë dhe dyshimeve se mund të jem infektuar me COVID-19, kam bërë testin e që fatkeqësisht kam rezultuar pozitiv! Apeloj tek të gjithë ju që maksimalisht t’i respektoni protokolet për të mirën e shëndetit tuaj dhe të afërmive në përgjithësi. Dëshiroj të gjitha të mirat për juve dhe familjet e juaja!”, ka shkruar Ademi.