“Miqësia të cilën Edi Rama ka krijuar me presidentin tonë Recep Tayyip Erdoğan, si dhe bashkëpunimi të cilin e zhvillojnë ka sjellë rritjen e marrëdhënieve shumë të rëndësishëm qoftë në aspektin e shtetit, qoftë në nivel të popujve”, është shprehur dje ministri i Brendshëm turk Süleyman Soylu pas vizitës në Tiranë.
Në një prononcim për Anadolu Agency, Soylu ka thënë gjithashtu se në takimin me Rmën dhe homologun Lleshaj është vlerësuar “hedhja e hapave të përbashkët në luftën kundër të gjitha organizatave terroriste, përfshirë edhe FETO-n”, ndërsa ka theksuar se janë marrë vendime tepër serioze.
Më tej, ministri turk ka thënë se qasja që Rama dhe Lleshaj kanë pasur ndaj kësaj çështjeje (FETO) e ka bërë atë të lumtur personalisht dhe Turqinë si shtet.
“Qasja e z.kryeministër, por edhe e ministrit të brendshëm për këtë çështje (FETO) me të vërtetë na bëri të lumtur neve si shtet, edhe mua personalisht. Besoj se procesi në luftën kundër organizatës terroriste, qoftë në Shqipëri e qoftë në vendet e tjera do të rezultojë me sukses në favor të Turqisë. Vendosmëria jonë në këtë luftë qoftë brenda vendit e qoftë jashtë vendit do të vazhdojë ashtu siç ka qenë. U paraqit një qëndrim shumë konstruktiv. Shpresojmë që në ditët në vijim të gjithë së bashku do të shohim rezultatet e këtij qëndrimi konstruktukv”, theksoi ministri i Brendshëm i Turqisë, Süleyman Soylu.