Blerim Kuçi, ministër i Ekonomisë dhe Ambientit në mbledhjen e radhës së Qeverisë ka kërkuar që në rend dite të futet plani buxhetor për Trepçën. Sipas mediave të Kosovës ai ka thënë se situata në ndërmarrjen e Trepçës është emergjente.
“Plotësimet në rend të ditës , nuk janë të duhura por për shkak të emergjencës së temës së Trepçës po propozoj që të jetë pika e 19 e rendit të ditës dhe ka të bëjë për planin buxhetor, dhe me e ndihmuar Trepçën në këtë kohë”,- ka thënë ai.
Ndërkohë, punëtorët e kompanisë së minierës së Trepçës prej muajit tetor nuk kanë marrë rrogat dhe kjo i ka detyruar ata të dalin në protestë duke pezulluar punën.