Ministri i Sigurisë Kombëtare, Itamar Ben-Gvir dënoi marrëveshjen e armëpushimit midis Hamasit dhe Izraelit, me argumentin se përbën një “precedent të rrezikshëm”.
“Hamasi e donte këtë ‘time-out’ më shumë se çdo gjë. Korniza është një precedent i rrezikshëm, i cili ndryshon ekuacionin dhe mund të sjellë më shumë ngjarje”, tha Ben-Gvir.
Ministri e kritikoi marrëveshjen për mossigurimin e lirimit të të gjitha grave dhe fëmijëve të bllokuar në Gaza, duke e quajtur atë të pamoralshme dhe aspak të mjaftueshme.
“Ky vendim do të na shkaktojë dëm të madh për breza”, theksoi ai.
Armëpushimi Izrael-Hamas është planifikuar të fillojë në orën 10 të mëngjesit të së enjtes. Ekziston një mundësi që pauza të zgjasë deri në 10 ditë, por zyrtarët izraelitë besojnë se nuk ka gjasa të zgjasë kaq gjatë.