Ministri i Drejtësisë, Ulsi Manja në mbledhjen online të Lomisionit për Çështjet Ligjore foli për domosdoshmërinë e kalimit të projektligjit për amnistinë penale, që do të përfitojmë 600 të burgosur. PS-ja e vetme nuk i ka votat në Kuvend, ndaj duhen edhe vota nga opozita, e cila ka kushtet e saja.
Manja tha se burgjet janë të mbipopulluara dhe se kanë mbi 190 të paraburgosur më shumë sesa kanë kapacitete. Sipas tij, duhet që të t’i përafrohemi standarteve të BE-së sa i takon numrit të paraburgosurve dhe të dënuarve në burgje.
Lexo edhe :
Related Posts
“Jemi plus 190 të paraburgosur dhe të dënuar më shumë sesa kemi kapacitete. Nëse kemi 5818 të paraburgosur dhe të dënuar kapacitetet tona janë plus 190 më shumë. Referuar standarteve të BE, nuk do duhet të kishim këtë numër personash të paraburgosur. 2204 kemi të dënuar dhe po t’u referohemi standarteve të BE do duhet të kishim 30% si maksimum të numrit të paraburgosurve në raport me të dënuarit. Jemi tek 2500 persona të paraburgosur më shumë sesa standartet e BE. Jemi mbi kapacitetet. Amnistia në këtë moment përveç parimeve të tjera, do na shërbejë edhe ne për të na krijuar një mundësi të sistemit siç duhet”,-u shpreh Manja.