Zyrtari i qeverisë serbe vijon të befasojë me veprimet e tij. “Talenti” i është shfaqur si këngaëtar dhe thuhet se nuk mungojnë batutat dhe qëndrimet plot humor. Këtë herë ai është treguar kavalier. Ministri i Jashtëm i Serbisë, Ivica Daçiç i njohur për sjelljet e tij prej xhentëllmeni, ka tërhequr sërish vëmendjen e mediave.
I ndodhur në Bukuresht në një takim jozyrtar të ministrave të jashtëm të BE, Daçiç i është afruar Përfaqësueses së Lartë për Politikën e Jashtme dhe të Sigurisë të BE-së, Federica Mogherinit dhe i ka puthur dorën. Ndonëse i erdhi papritur e pakuptuar, zonja Mogherini nuk e ka hequr buzëqeshjen nga fytyra.
Ministri i Jashtëm i Serbisë po lobon fuqishëm pranë BE-së që t’i bëjë presion Kosovës për ta hequr taksën ndaj mallrave serbe.