Presidenti i Shteteve të Bashkuara të Amerikës, Joe Biden dhe Ministri i Mbrojtjes i Ukrainës, Oleksii Reznikov kanë zhvlluar një takim së bashku ku kanë folur për situatën e luftës në Ukrainë. Pas takimit, ky i fundit ka treguar disa detaje rreth asaj se çfarë u diskutua mes tyre.
Reznikov u shpreh se ka “optimizëm të përmbajtur” pas takimit të mbajtur me presidentin Biden, ndërsa në qendër të diskutimit ishin edhe nevojat e ushtrisë së vendit të tij.
Ndërkohë, presidenti Joe Biden dhe sekretarët e tij të shtetit dhe të mbrojtjes, Antony Blinken dhe Lloyd Austin, u takuan me ministrat e jashtëm dhe të mbrojtjes të Ukrainës, Dmytro Kuleba dhe Oleksii Reznikov, për të diskutuar situatën ushtarake, diplomatike dhe humanitare të Ukrainës, tha Shtëpia e Bardhë më herët.