Rezultatin e deritanishëm në rang kombëtar, ministri i Mbrojtjes Pirro Vengu e cilëson jo surprizues, duke theksuar se është në diferencë akoma më të thelluar se në zgjedhjet e shkuara.
“Një rezultat shumë i mirë në Novoselë, Shushica gjithashtu. Kjo reflekton fushatën intensive që kemi bërë, pranë qytetarëve gjatë gjithë këtyre muajve”, deklaroi ai nga KZAZ-ja nr.84 në Vlorë.
“Nën drejtimin e Bledi Çuçit kam pasur përgjegjësinë dhe privilegjin që të inkurajoj skuadrën dhe të bëj fushatë për skuadrën në bashkinë e Vlorës. Zgjerimi i fushës së lojës, mundësia e votës së diasporës ka ndikuar edhe në artikulimin e një ambicie të re. Jemi duke parë përmbylljen progressive të numërimeve në KZAZ-të e Vlorës, jemi pranë atij objektivi. Megjithatë duhet të jemi të kujdesshëm, ka qenë një process i qetë”, shtoi më tej.
I pyetur për pjesëmarrjen më të ulët të votuesve në këto zgjedhje, u përgjigj kështu:
“Ka elementë që mund të kenë ndikuar, përshembull Giro d’Italia ka pasur ndikim. Nuk na u dha mundësia që të shtyhej orari në Vlorë, jemi në këto kushte sot.”