Në muajin shtator, studentët iu drejtuan kryeministrit me një kërkesë për mbështetje financiare për të përballuar në këtë kohë krize ekonomike shpenzimet studentore.
Mirëpo, Ministria e Arsimit i është përgjigjur sot negativisht kërkesës së tyre.
Në përgjigjen e saj, Ministria sqaroi se studentët i ka përkrahur me forma të tjera, siç është përjashtimi ose ulja e tarifës vjetore.
“Janë ezauruar të gjitha mundësitë për të ofruar lehtësira për studentët. I kemi përkrahur studentët nëpërmjet përjashtimit ose uljes së tarifës vjetore. Ofrojmë bursa për studentët me rezultate të larta ose të kategorive në nevojë.”