Aktivitete të shumta ka organizuar ditët e fundit Ministria e Mbrojtjes, jo vetëm me strukturat e armatosura, por edhe me kategori të tjera. Nën kujdesin e veçantë të ministres së Mbrojtjes Olta Xhacka dhe Qendrës së Kulturës pranë këtij dikasteri, fëmijët e efektivëve të batalionit të parë të këmbësorisë në Vaun e Dejës, morën pjesë në një aktivitet të organizuar enkas për ta me rastin e festave të fundvitit. Fëmijët u bënë pjesë e një programi artistik me këngë, vjersha dhe kërcime, ndërkohë që u argëtuan edhe nga animatorë dhe personazhe të dashur për ta. Në festë morën pjesë edhe zëvendësministri i Mbrojtjes, Petro Koçi bashkë me shefin e Shtabit të Përgjithshëm, gjeneral brigade Bardhyl Kollçaku. Të tjera aktivitete argëtuese janë planifikuar nga Ministria e Mbrotjes gjatë vitit 2019. / P. Hasa/
Add A Comment