”Ministrin e Mbrojtjes e kemi shtetas grek”, Noka: Po nëse Greqia e thërret ushtar në kulm të konfliktit?

Kreu i PDK-së, Nard Ndoka shpreh kritikat për zgjedhjen e Edi Ramës për të vendosur Pirro Vengun në krye të Ministrisë së Mbrojtjes. “Ministrin e Mbrojtjes ne e kemi shtetas grek. Nuk e dimë akoma nëse e ka bërë ushtrinë apo jo. Presidenti, si Komandant i Forcave të Armatosura, duhet të ketë një minimum informacioni sepse ministrin e Mbrojtjes e ka si pjesë të stafit. Sigurinë tonë kombëtare ia kemi besuar një njeriu që është mes Shqipërisë dhe Greqisë. Ndoshta e do Greqinë më tepër se Shqipërinë. Imagjinoni që në kulmin e një konflikti, ministri i Mbrojtjes të thirret për të luftuar në Greqi”, tha Ndoka.