Kreu i Bashkisë së Tiranës, Erion Veliaj dhe ylli i popit botëror, shqiptarja Dua Lipa po mbajnë një konferencë me gazetarët, disa orë para koncertit të madh, falas që Dua do të mbajë në sheshin ”Skëndërbej” për 110 vjetorin e Pavarësisë.
Dua Lipa ka komentuar edhe komentet e bëra nga mediat britanike dhe nga ministrja e Brendshme Britanike, që i quajti shqiptarët “pushtues”. Dua Lipa është rritur në Britaninë e Madhe.
“Një fatkeqësi e madhe si shihemi ne në sytë e politikanëve të tjerë, janë fjalë të pakëndueshme, mendoj që kemi nevojë me luftu ksenofobinë në botë, është e nevojshme, ne duhet ta ndryshojmë stigmën që kanë njerëzit ndaj shqiptarëve, kjo është ajo që mund të bëjmë. Kemi nevojë të pranohemi si rezidentë të cdo vendi ku jetojmë”, tha Dua.