Me socialistët e Matit e Bulqizës ka festuar sot edhe Ministrja e Mbrojtjes Olta Xhacka. Duke i përshëndetur ato për kontributin e dhënë ju uroj atyre begati në cdo familje. “Faleminderit të gjithëve, që nga koordinatori elektoral i bashkive Mat e Klos Agron Malaj , kryetari i PS-së Hasan Pasha dhe cdo socialist matjanë”, e nisi fjalën ministrja. Xhacka shtoi se; “ajo që vjen nga Ju është shumë e rëndësishme për ne. Zhvillimet e fundit duhen parë si mundësi për të bërë më shumë. Askush nuk ka arësye të shqetësohet. E kemi plotësisht të qartë se pritshmëritë janë të mëdha dhe ne jemi të vendosur të marrim përgjegjësitë tona”. E deleguara për Qarkun e Dibrës ftoi socialistët e këtij rajoni të ndezin motorët nga fillimi i janarit, për të siguruar fitoren e PS-së në të katër bashkitë, Dibër, Mat, Bulqizë e Klos. “Pas vitit të ri, tha numri një i mbrojtjes, ne duhet të angazhohemi fort, duhet të ndezim motorët e fushatës elektorale. Falë asaj që kemi bërë kemi shumë arësye për të fituar në qershor, për të bërë më shumë për qytetarët e Matit, Dibrës e Bulqizës. Festa jonë e ardhshme, shtoi Xhacka, do të nisë me 30 qershor të vitit 2019”. / P. Hasa /
Add A Comment