Ministrja e Turizmit dhe Mjedisit, Mirela Kumbaro ka publikuar një video, përmes së cilës denoncon rastin e dy automjeteve në aksin Vlorë-Orikum, të cilat në mbrëmje hedhin mbetjet jashtë koshave.
Kumbaro shkruan e revoltuar se një veprim i tillë, përveçse i turpshëm, përbën edhe krim mjedisor.
“Turp e faqja e zezë po e po, por është edhe KRIM MJEDISOR! Ja ç’ndodhi në aksin nacional Vlorë-Orikum, ku dy makina private njëra pas tjetrës shkojnë natën si kusarë dhe hedhin mbeturinat jashtë kazanëve pavarësisht se kazanët janë bosh! Me të tilla raste përballen ekipet e pastrimit çdo ditë, nga individë e biznese, që publiken e shohin si tokë pa Zot dhe i hedhin kuturu plehrat, jashtë pragut të tyre Por jo më! Faleminderit Policisë së Shtetit që bëri të mundur identifikimin, dhe Policisë Bashkiake që i gjobitën. Te gjithë duhet të jemi në vëzhgim të rasteve të ngjashme”, shkruan Kumbaro.