Ministrja Olta Xhaçka: Finalizohet për të tretin vit radhazi projekti “Ishujt 2023”

Ministrja e Europës dhe e Punëve të Jashtme, Olta Xhaçka thotë se është finalizuar me sukses projekti “Ishujt 2023”. “MEPJ dhe ambasada e Republikës së Shqipërisë në Greqi finalizuan me sukses projektin “Ishujt 2023” për ofrimin e shërbimeve për pajisje me dokumente biometrikë për të gjitha kërkesat e dërguara nga bashkatdhetarët tanë me banim në Kretë, Rodos dhe ishujt përreth”, njoftoi Xhaçka. 809 shtetas shqiptarë me banim në Greqi, nga bebe të porsalindura e deri te personat në moshë të thyer, kanë përfituar shërbimin, duke reduktuar kostot e dokumenteve të tyre biometrikë si dhe distancat e largëta. “Projekti zbatohet për të tretin vit radhazi në bashkëpunim me autoritetet greke”, shkruan Xhaçka.