Miratimin e marrëveshjes së Prespës për çështjen e emrit të Maqedonisë nga parlamenti grek, e ka përshëndetur edhe presidenti Ilir Meta.
Përmes një postimi në Facebook, Meta shprehet se miratimi i marrëveshjes së Prespës është një arritje historike dhe nje lajm i shkëlqyer për marrëdhëniet dypalëshe me Maqedoninë e Veriut.
“Miratimi i Marrëveshjes së Prespës edhe nga Parlamenti grek është një lajm i shkëlqyer për marrëdhëniet dypalëshe me Maqedoninë e Veriut dhe për perspektivën europiane dhe euro-atlantike të rajonit tonë! Përgëzime për këtë arritje historike!👏🏻🇬🇷👏🏻🇲🇰”- ka shkruar presidenti Ilir Meta në Facebook.