Kryeministri Edi Rama është shprehur se mirditorët janë lepujt e veriut, referuar faktit që ata janë të shumtë në numër. I shtruar për drekën e Krishtlindjes në tryezën e një familjeje nga Laçi, kryeministri u shpreh se duhet hartuar një prijekt për mbyllur edhe çështjen e kanalit.
Deputetja Lindita Nikolla, e cila ishte gjithashtu e ulur në tryezë tha se ekziston një projekt i tillë dhe se do të menaxhohet nga disa djem që zotërojnë një kompani dhe janë me origjinë nga Mirdita.
Këtu kryeministri bëri një batutë, ku shtoi se Mirditorët janë lepujt e veriut dhe i gjen kudo. Ndërsa, kryefamiljari shtoi më tej se mirditorët mbahen si njerëz që vjedhin, por atij s’i kishte rënë ndonjëherë ndonjë rast i tillë.
Pjesë nga biseda
Rama: Duhet të bëjmë edhe atë projektin e kanalit që ta mbyllim atë…keni ju?
Nikolla: Kam një projekt kemi ftuar disa…I takuat ju kryeministër, këta djemtë që punojnë në Itali, që kanë grupin Koni. Janë treguar të gatshëm të na ndihmojnë.
Rama: Janë prej ketu ata…
Nikolla: Ata janë mirditorë, por…
Rama: Po mirditorë jemi të gjithë ne…Mirditorët janë lepujt e veriut, nuk mbarojnë…kudo gjen
Burri i familjes: Ne mirditorët kemi pasur zakon me vjedh, por mua s’më ka qëlluar të vjedh..
Rama: Qenka e mirë vera vërtet…