Janë më shumë se 450 km rrugë rurale në administrim të bashkisë Mat. Madje shumica e tyre janë në zona malore. Kryetari i bashkisë Agron Malaj ka këmbëngulur vazhdimisht në hapjen e kanaleve anësore, ndërtimin e veprave të artit, etj. “Kanalet kulluese janë shumë të rëndësishme për banorët e Bashkisë Mat. Edhe sivjet do bëjmë maksimumim për ti mbajtur pastër dhe funksional në mënyrë që të shmangim sa më shumë problemet e shkaktuara prej bllokimit të tyre!”, theksoi kryebashkiaku Malaj.
Bashkia Mat me anë të Drejtorisë së Shërbimeve Bashkiake, po punon për hapjen e kanaleve kulluese dhe vendosjen e tubave aty ku është e nevojshme, në rrugët e fshatrave Lis, Batër dhe Frankth. Bashkia Mat do të angazhohet për hapjen e kanaleve kulluese në rrugën e çdo fshati që mund të ketë probleme.
