Francesca Ferrara është 23-vjeçarja nga Hora e Arbëreshëve, e cila ka fituar kurorën e mbretëreshës së bukurisë arbëreshe, kur u shpall “Miss Arbëresha 2020”.
Në një lidhje me skype në emisionin “Ftesë në Pesë”, Ferrara foli shqip dhe tha se ishte shumë e lumtur për titullin e fituar.
Ajo tregoi se i pëlqen shumë Shqipëria dhe se do të mësojë dhe ta shkruaj e ta lexojë gjuhën shqipe.
Po ashtu ajo deklaroi se nuk ka qenë asnjëherë në Shqipëri, por ka dëshirë që të vijë dhe të mësojë, shkruaj e lexojë gjuhën shqipe.
“Jam shumë e lumtur, jam gëzuar që mora këtë kurorë. Nuk kam qenë në Shqipëri, por dua të vij, të mësoj më mirë shqipen, të arrij dhe ta shkruaj dhe ta lexoj. Më pëlqen shumë edhe të vishem me veshjen arbëreshe. Vajzat arbëreshe janë të gjitha të bukura”, tha ajo.
