Bota e futbollit është tronditur dje nga vdekja e parakohshme e sulmuesit të Ajax-it, Jody Lukoki. 29-vjeçari u deklarua i vdekur dje në mëngjes dhe për momentin ka një mister të madh rreth asaj që ka ndodhur.
Sipas “De Telegraaf” në Holandë, gjithçka ka nisur nga një festë në javën e kaluar. Futbollisti i cili ishte pjesë e Tuente në sezonin e fundit, kishte qenë i pranishëm atje duke u bërë pjesë e një zënke. Burimet bëjnë të ditur se ai është dhunuar me shkelma dhe grushte në atë festë, ndërsa ishin përfshirë edhe disa familjarë.Në rindërtimin e ngjarjes, është mësuar se Lukoki nuk kishte shkuar në spital për të marrë ndihmë mjekësore, por në shtëpi duke menduar që të zgjidhte gjithçka vetë. Megjithatë, përkeqësimi i gjendjes shëndetësore kishte sjellë shtrimin e tij me urgjencë ku më pas një infektim dhe mungesa e oksigjenit kishin sjellë fillimisht amputimin e një këmbe. Më pas, ai kishte kaluar në koma dhe dje, ishte ndarë nga jeta në mënyrë tragjike.
Policia ka bërë të ditur se ka hapur hetime për futbollistin i cili dikur ishte pjesë e përfaqësueseve të moshave të Holandës.