Florind dhe Ornela Belliu u hodhën nga kati i 6 i pallatit ku banonin në New York. Pas tragjedisë, më konkretisht motra dhe ëma e aktorit ishin të shkatërruara pasi edhe panë kufomat e njerëzve të tyre të dashur. Madje në një moment i afrohet një tjetër person, por nuk dihet lidhja e tij me viktimat dhe familjen e tyre.
Trupat e pajetë u gjetën në sheshin para pallatit në Cruger Ave, ku kishin veç pak muaj që ishin vendosur. Policët thonë se rrethanat e vdekjes janë ende të paqarta, pasi nuk dihet nëse të dy janë vetëvrarë, apo Belliu ka hedhur nga ballkoni bashkëshorten e tij dhe më pas është hedhur vetë.
Belliu mund të ketë pasur probleme të shëndetit mendor, kjo edhe pse në muajin prill aktori ishte zhdukur për pak kohë. Megjithatë kurrë nuk ishte raportuar për dhunë në familje.