Komuniteti shkencor ka 17 vite që po përpiqet të hedhë dritë mbi misterin e pesë anëtarëve të familjes Ulas në Turqinë juglindore që ecin me të katër këmbë.
Familja kurde jeton e izoluar në një cep të largët të Turqisë. Nga 19 fëmijët e lindur të Rezit dhe Hatisit, të cilët ecin si çdo njeri i zakonshëm, pesë vëllezër ecin me katër këmbë, pra edhe duart kryejnë funksionet e këmbës.
Disa shkencëtarë e kanë përshkruar gjendjen e tyre si “regresive”, por kjo teori ka nxitur kritika nga ekspertë të tjerë të cilët argumentojnë se është një kombinim i faktorëve “gjenetikë”.
Skeleti i tyre është më shumë si ai i majmunit sesa njeriut. Për më shumë se 20 vjet, ekzistenca e familjes mbeti e fshehur, derisa dy shkencëtarë britanikë panë një punim të pabotuar nga një profesor turk në vitin 2005.