Kryeministri grek, Kyriakos Mitsotakis u shpreh i gatshëm që t’i shtrijë dorën e miqësisë Turqisë.
Pas një takimi me kancelarin gjerman, Olaf Scholz, zhvilluar në Athinë, kreu i qeverisë greke akuzoi presidentin turk, Recep Tayyip Erdogan për inkurajimin e ndjenjave antigreke në Turqi.
Mitsotakis tha se nuk ka vend për burime të tjera të panevojshme tensioni dhe se mosmarrëveshjet duhet të zgjidhen në mënyrë paqësore.
“Kjo është ajo që dëshiron populli ynë, kjo është ajo që do populli grek, kjo është ajo që populli turk, kjo është ajo që dëshiron e gjithë Evropa,” tha Mitsotakis.
Greqia dhe Turqia janë në mosmarrëveshje për një sërë çështjesh, duke përfshirë kufijtë detarë në Detin Egje dhe Mesdheun lindor, duke prekur të drejtat për eksplorimin e energjisë.