Vizitën e kryeministrit grek Kyriakos Mitsotakis në Himarë, kreu i PBDNJ-së Vangjel Dule e cilëson historike dhe nënvizoi edhe se Mitsotakis dha një mesazh mbështetjeje për pjesëtarët e minoritetit grek.
“Në radhë të parë ishte një vizitë historike. Për herë të parë viziton Himarën, Sarandën dhe Gjirokastrën. Është një mesazh mbështetjeje për pjesëtarët e minoritetit grek. Është mesazhi i fqinjësisë së mirë, bashkëpunimit. Mesazh për rajonin. Greqia është një nga shtyllat e arkitekturës së sigurisë.
Një mësim që çdo politikan duke filluar nga unë i pari duhet ta ketë. Shumë larg standardeve të politikanëve dhe politikës në vendin tonë.
Problemet janë ngritur në mënyrë të përsëritur dhe ajo që kërkohet është zgjidhja e këtyre problemeve. Ajo që përsërit z. Mitsotakis është se kërkohet frymë e mirë dhe bashkëpunim për zgjidhjen e tyre”.