Mjekët në spitalet gjermane protestuan sot në mbështetje të kërkesave për paga më të larta dhe përmirësim të kushteve të punës.
Në Hamburg, rreth 2 mijë mjekë marshuan në qendrën e qytetit, duke mbajtur pankarta, ku shkruhej “Punë e mirë – pagë e mirë” dhe “Të mbingarkuar – të paguar pak”.
Protesta kishte në shënjestër spitalet publike në shtatë nga 16 landet e Gjermanisë dhe spitalet private.
Sindikata e mjekëve “Marburger Bund” po kërkon kompensim për inflacionin që nga rritja e fundit e pagave në vjeshtën e 2021, dhe një rritje prej 2,5% të pagave për 55 mijë mjekë.