Ish-kryeministri italian, Silvio Berlusconi, ndodhet në spital dhe po merr mjekim për Covid.

Mjeku i tij Alberto Zangrillo, ka bërë një deklaratë të fortë në ‘La7’, ku tha se nëse Berlusconi do ishte infektuar në muajin mars-prill, ai nuk do të ishte me kaq fat por mund të vdiste.

“Ngarkesa virale në tamponin e marrë nga hundët e Silvio Berlusconit ishte aq e lartë, sa që nëse virusi do e kishte kapur në mars-prill, nuk do të ishte kaq me fat. Do e kishte vrarë? Me siguri po! Këtë gjë e di edhe ai.

Nëse do të thosha përsëri frazën klinikisht i vdekur, ndoshta nuk do të gaboja. Gjëja themelore në lidhje me Berlusconin, ishte të kuptonte se ai duhej të shkonte në spital, se duhej të shkonte në atë moment dhe se dhjetë orë më vonë mund të ishin tepër vonë pikërisht sepse ai është një pacient në rrezik.

Kjo është e vërtetë për të gjithë, jo vetëm për Berlusconin, ne duhet të përmirësojmë afatet kohore, për të shmangur pacientët që mbërrijnë në spital shumë vonë”, deklaroi Zangarillo.

PËRGJIGJU

Please enter your comment!
Please enter your name here