Mjeku Pëllumb Pipero është shprehur se gjendja në spitale vijon të jetë shumë serioze. I ftuar në studion e “Opinion”, Pipero tha se shumë qytetarë kanë pasur shumë panik dhe se gjendja është serioze.
Pipero tha që vetëm sot kishte parë me sytë e tij se si 4 pacientë kishin shkuar në spital dhe janë shtruar pa oksigjen.
“Gjendja është serioze, nuk duhet shpërfillur. Ka shumë panik tek qytetarët. Shumë pacintë vijnë në soitale sepse kanë thjesht temperaturë. Sot kam parë me sytë e mi se si janë shtruar katër pacientë në spital, ishin pa oksigjen. Gjendja në Spitalin Infektiv është serioze, kemi rreth 80 pacientë, në pjesën e parë kishim 89 në rastin më të madh,”- tha Pipero.